السينما مُؤثِرة و مُؤثَرة

السينما مُؤثِِرة و مُوثَرة

السينما هي وسيلة مِن وسائِل الترفيه عن النفس و التَرويح عنها، و هي أيضاً وسيلة من وسائل التعبير عن النفس كما أن شيخصيتك و إتجاهاتك تُحدد من أنواع الأفلام التي تُحب أن تُشاهدها تكون من مُفضلاتك و تنتظرعرضها في صالات السينما أو التلفزيون.

السينما متساوية في التأثير و التأثر بالمُجتمع فهي تؤثِرعلى المُجتمع في أسلوبها و المواضيع التي تعرِضها و تهتم بِها فمن الممكن أن تُساعد السينما في توجيه أراء الناس و أفكارهم نحو إتجاه مُعين و هي أيضاً تتأثر بالمُجتمع فهي تُظر جوانب المُجتمع الذي تُعرض فيه و إهتمامات الناس و ظروف معيشتهُم و طريقتهم في حياتهم.
السينما مُعبِرة جداً فكثير منها يتأثر بمشاهدها من المُمكن أن تجعله أن يفرح أو أن يحزن أن يتفاعل معها، هي شئ جميل جداً و عشق آخر لمن يهتم بها لا فقط لمُجرد أن يقضي وقت فراغه أو أن يُشاهد أفلام الإسفاف هي فَنٌ عَظيمٌ و راقي بَعيد كُل البُعد عن التشوهات التي تحدث فيه.
و بسؤال بعض الناس عن أرائهم في السينما و مدى تأثيرها على الناس كانت الإجابات كالأتي: 
الرأي الأول لأفنان فهيد 21 عاماً و طالبة بجامعة بكلية دراسات إنسانية قسم تاريخ:

" السينما في المُطلَق أه بتتأثر و بتأثر في المُجتمع، إزاي بتتأثر المُجتمع ده في حالة الواقع بتاعنا مثلاً ماعندناش صناعة سينما مثلً فتلاقي الإنتاج بيلعب في حتة الأمان زي الأفلام الهابطة اللي هتعمل إيرادات بس مش هتعيش قدام علشان سهلة مافيهاش تفكير و لا مشاعر و علشان الجمهور هيدخلها عادي و بالتالي الجمهور بياخد السئ اللي جواها برضو فبيتأثر حتى السينما المُحترمة برضو بتتأثر لأن الشخص اللي عاملها شخص أتأثر بتجربته الحياتية عموماً و عبر عنها بالشكل ده، فالفكرة أنا مُمكن أشوف فيلم يوسع مداركي يخليني أحب حاجة، و أفكر بطريقة مختلفة سواء بالسلب أو بالإيجاب يبقى كده السينما أثرت فيا و في المجتمع، و أنا كجمهور بتجربتي الشخصية و بتفكيري سواء حلو أو وحش بأثر في السينما و بخليها تبقى شبهي لأن هي مش هتنجح من غيري و لو أنا  كصانع فيلم هعمل فيلم شبهي، أو مش شبهي بس أنا محتاجة الفلوس علشان هو ده اللي ماشي فهي دايرة مترابطة"

الرأي الثاني لسلمى حسين 21 عاماً و طالبة بكلية إعلام جامعة مصر للعلوم و التكنولوجيا و شروع تخرجها أيضاً عن السينما:
" أنا شايفة إن التأثير مُتبادل، بمعني إننا إحنا بنعمل السنما أصلاً فإحنا بنجيب حكايتها مننا إحنا، بس لازم طبعاً يكون فيه خيال و أفكار خارج الصندوق، و هي بتأثر فينا تأثير أكبر أنا شايفة كده لأن بالنسبالي فيه أفلام إديتني رؤية و غيرت منظوري في حاجات في الدنيا و خليتني كمان اخد قرارات كنت مترددة فيها، فبالنسبة ليا هي بتأثر فينا أكتر"

السينما عالم جميل جداً كل لما بنكتشفه أكتر كل ما بيكون أجمل أكتر و كُل ما بيكون صناع السينما بيتاعملو معاها على أساس إن هي فن مش مُجرد مهنة كل ما الإبداع هيزيد و هتقدم فن هادف و راقي

Name: Heba Allah Magdy Abou El-fetouh
ID: 62214