جريمة التحرش الجنسى ...

اصبحت ظاهرة التحرش جزء لا يتجزأ من المجتمع المصرى , التحرش يأثر بالسلب على كل اطراف المجتمع ولكن فى كل الاحوال الفتيات هن الاكثر تضررا, فذلك الفعل الشنيع سواء كان لفظيا او جسديا يتسبب فى الالام  نفسية و عصبية و ذكريات مؤلمة و الشعور بعد الامان ,, و لكن ما السبب وراء التحرش هل التربية الغير صحيحة كانت تسببت فى ان تكون نتيجتها هؤلاء الاشباه رجال ام الظروف الاقتصادية المحيطة و صعوبة المعيشة ادت الى هذا الكبت ؟؟

و كانت هذة مجموعة  اراء لشباب يتراوح سنهم من 20- 30سنة

الرأى الاول :

- التحرش الجسدى ظاهرة سيئة جدا اجتاحت مصر فى السنين الاخيرة و تزداد نسبتها كل عام بسرعة مخيفة و يبقى دائما السؤال الاصعب .. ما هو السبب فى التحرش ؟ هل هو سوء التربية ام الظروف الاقتصادية ام ان هناك اسبب اخري. اعتقد ان سوء التربية هو احد اهم اسباب هذه الظاهرة حيث ان اهمال الاهل فى تربية ابنائهم و تعليمهم القيم الحميدة الواجب توافرها قى مجتمعنا الشرقى المحافظ و اهمال حقوق المرأة و القاء اللوم عليها بشكل كبير فى حالات التحرش ادى الى انتشار هذه الظاهرة. كذلك انتشار الاعمال الفنية التى تحث على البلطجة و التحرش و رغبة الشباب فى الفئة العمرية الصغيرة فى تقليد هذه الاعمال الفنية يعتبر من الاسباب القوية.

الرأى الثانى :

- سوء تربية .. و لو الأهل ربوا الشارع و الاختلاط بالغير بيضيع التربية .. نهايته ان اللي بيعمل كدة مش انسان سوى .. لو اللي قدامه قالعة ملط دة مايدلوش اى حق ان يلمسها و يعتدى علي غيره .. التحرش بالنسبة لى اصلا تصرف غير مفهوم صعب يصدر من انسان متزن .. حتى انا لما بسكر و اتقل فى الشرب عمر مابييجي فى دماغى اعمل حاجة زى دى .. ظاهرة متخلفة فى مجتمع متخلف مايعرفش يعنى ايه يحترم الآخرين .. مبدأ الاحترام مش موجود.

الرأى الثالث :

- معنديش اجابة مقنعة بس يعني لو الواحد عارف دينه كويس و اهله مربينه علي ان ربنا دايما شايفه في كل احواله عمره ما هيفكر يعمل حاجة زي دي و مش هيكون بجح كدة دا في كل حاجة عامة مش التحرش بس.

الرأى الرابع :

-  هو كذا حاجة من دا على دا بس من رأيي هي المنظومة كلها غلط  مش بس الاقتصاد و دا سبب مهم بس كمان الاعلام الهابط بيحرض الشباب بشكل غريب و بيثير غرائزهم عامة فاللي هو بيزيد كبتهم , الانفتاح اللي بقينا فيه دا , و طبعا الحالة الاقتصادية و تدني الاخلاق عموما و الانفلات الأمني او اللي هو ان القانون مش بيطبق عدل لو البلد فيها قانون ما كانشي كل دا حصل اصلا ,, في كل مكان في العالم فيه تحرش بس الفرق بين هنا و برة مثلا انهم بيحققوا القانون و يطبقوه الناس بتخاف تعمل حاجة غلط ,, الزمان مثلا كان فيه في كل خرم شاويش و كان فيه أمن دلوقت بتروحي القسم ممكن ما تعرفيش تاخدي لا حق و لا باطل .

الراى الخامس : 

رأيي ان العامل الأساسي التربية لأنه بيحصل ف مجتمعات غنية وفقيرة باختلاف شكله..الظروف الاقتصادية ممكن تزود حاجات زي الدعارة وغيره لكن افتكر التحرش تربية وثقافة.

الراى السادس  :

- الاتنين نوعا ما، هو بدأ بالظروف الاقتصادية، وكمل انتشاره بسوء التربية تحت منطلق حجة "طب والشباب هيعملوا ايه" وتحت مبدأ ان البنت عيب تتكلم وخلافه، طبعا بسبب تدليس المجتمع وتستره على المتحرشين الموضوع انتشر اكتر واكتر، خاصة كمان ان القوانين اللي بتعاقب عليه فضلت فترة طويلة جدا غير مفعلة.

الرأى السابع :

- بصى فى وجهة نظرى سوء تربية لإن طول عمرنا عندنا نسبة فقر بس ماكنش الموضوع منتشر كدة و عدم الإهتمام بالدين أكيد إنه بقى حاجة ثانوية فى المدارس و الأهل مبقوش يهتموا بتعليموا لولادهم .

الرأى الثامن :

- اصل فى ناس ظروفهم الاقتصادية وحشة و مش بيعملوا كدا عشان كدا شايفة ان سوء التربية هو السبب لانه لو متربى على الفضيلة و ان فيه صح  و ان دا غلط مفيش سبب يخليه يتحرش.

الرأى التاسع :

- لا هو سوء التربية بالاكتر لان اللى اغتصب البنت اللى فاللفة دى و موتها لو اتربى و عرف الصح و الغلط و الحلال و الحرام مكنش عمل كدة ,, دى طفلة مفيش فيها شئ مغرى هو اللى مريض نفسى.


الرأى العاشر :

Maisoon Ibrahim  El-Degwey

54391